生記山西刀削麵 (已結業)

不经不觉生记已经系元朗打滚左超过十年！由佢一开张26蚊个餐食到依家42蚊都继续食！虽然好坏参半！但我个人就觉得好好食好有口感！个人最钟意系酥炸鸡翼刀削面！因为有4只鸡翼较抵食！相反好似手撕鸡咁贵d但料反而少！先讲个面！我留意到多数人唔钟意食系因为d面太厚好似食紧旧胶咁，所以我每次叫都要求薄切！虽然都仲会有少量厚面，但薄左个d刀削面口感一流！系好滑好爽口！滑到光速入口咁！而且汤底够味但唔太咸！加上小辣汁好开胃！而鸡翼系炸同烧中间拎个平衡！唔会好干好好味！不过记住叫另上！否则浸晒落面度就冇咁脆口！而野饮个size比以前大左！味道亦好过以前！算系唔错！