鎔記潮州飯店

营业中

休息中

其实中式嘢嚟讲我真系好钟意食潮州菜，琴日就试咗呢间位于九龙城城南道37号嘅镕记潮州饭店。入门口位置已经见到好多名人嘅相，即刻好有信心，果然名不虚传。咁我就点咗三道菜。卤水杂拼呢样嘢一定必食啦！啲鹅肠整得好脆身，好少可以咁爽又烟靭，就连红肠都好好味。鱿鱼就更加唔使讲熟得嚟又系好烟韧。卤水汁味道鲜香，真系绝配。黄金虾老板娘话啲虾系每日新鲜送到，我完全食得出，就好似喺街市自己买咁新鲜。潮州蚝饼呢样嘢都一定要食，同平时𠮶啲蚝饼唔同，呢间嘅蚝饼系粒粒都系大蚝，绝对唔系蚝仔！钟意食蚝嘅人一定要试！