陳根記 (已搬遷) 新店位置

今日星期六難得放假，就約咗成班朋友去咗踩單車，晚上六點左右，就去左沙田禾輋村陳根記食晚飯，不用等位。頭抽雞半隻，真係好好味，咸度適中，雞肉又好滑; 魚香茄子煲好香好味; 京都骨都做得很出色，豬扒、洋蔥和醬汁都好好味; 白飯也軟硬適中。甜品方面，楊枝甘露唔錯，甜味剛好；至於綠茶雪糕芒果涼粉，份量好多，好抵食又好味；芒果一口酥，呢個真係值得推介，鬆脆可口，味道一流；榴槤奶凍，榴槤好香，但個人覺得奶多左少少。