本色鍋品料理

营业中

休息中

两个人食打边炉真系唔容易，但系呢排真系瘾起，所以最啱就系食啲本身个汤底里面已经有好多材料嘅，咁就可以食到多款d嘅嘢食。台式一品卤水锅$298除咗一般嘅卤水之外，呢一个锅中本身送一碟鹅片，本身个锅里面已经有好多韭菜，仲有鸭血，猪肠，同埋豆腐，本身个锅嘅卤水味非常之重，每一样嘢食都已经好似煮咗好耐咁样，非常入味。猪肠方面，佢有肠头同埋肠中间系入面，肠头会比较肥少少，肠中间就冇晒肥膏，比较啱我。凤城水饺拼韭菜饺$68双拼每件有三粒，每一粒水饺都胀卜卜，我特别钟意食凤城水饺，里面嘅虾非常之弹牙，但我个人认为果皮可以在薄啲，咁就做到皮薄馅靓呀。蜂巢豆腐$38卤味锅系一定要叫蜂巢豆腐嘅，睇到豆腐有好多层，吸左好多汤嘅精华，一般见到嘅蜂巢豆腐更加入味。杂菇拼盘$68一个拼盘有齐唔同嘅菇，有冬菇，鸡髀菇，本菇，金菇菜，大部份嘅菇都好新鲜，而且冇乜草青味，唯独系最底嘅秀珍菇有少少苦味蜂蜜桂花香茅洋甘菊$68真系落足料，饮一啖已经饮得出里面有好龙嘅蜂蜜同埋桂花嘅香味，而且见到落咗好多洋甘菊，非常解热气。两个人食咗差唔多$700。