潮洲滷 (已結業)

经过湾仔想斩料返屋企加𩠌，刚好见到呢间卤水店，决定买卤水鹅返去，左望右望，呢样又想食𠮶样又想食，最后我叫师傅帮我斩百五蚊杂锦拼盘，正！卤水鹅好靓，唔肥，肉质有弹性，味道亦都刚好！份量都多！另外有猪耳够爽口，鹅肾平时好似比较少食，都几好肉地，比起一般鸭肾有口感。猪大肠其实我平时唔系好食，不过老公钟意，试咗一旧都OK㖞，感觉几juicy。卤水豆腐好大块，唔会散开，唔错。等紧嘅途中，发现原来佢葵芳都有一间分店，仲有金刚同小仪嘅合照添，似乎真系有啲口碑㖞！