阿三大牌檔

营业中

休息中

一般黎讲，喺大埔要食大牌档之类嘅野都系要去新街市（大埔墟熟食中心）。大牌档通常都系同镬气小炒挂勾，阿三除左有小炒之外仲有卤水同串烧等等，或者你可能觉得唔够专注同传统，但系我就觉得只要食物有水准，呢种多元化嘅融合系可以接受嘅。既然系咁，就叫左卤水拼盘、啫啫通菜煲同埋黄金虾球。 🍖卤水拼盘就算叫细碟都几大份，基本上都系猪肠、猪耳、鹅、肾等等，估唔到仲有猪手，呢个比较少见。 🥬啫啫通菜煲对我黎讲系一种情意结。读书𠮶阵食过啫啫芥兰煲之后就一试爱上。虽然今次系通菜，但系都唔错。 🍤黄金虾球就系虾球沾上咸蛋黄再拎去炸，炸浆唔会太厚身，充满咸蛋黄味嘅炸虾球好惹味。 整体黎讲都几好食，已列入返兜名单。咕噜脆皮猪颈肉同蒜子火腩炆大鳝煲都好似几吸引。