凱富菜館 (已結業)

呢间系鲗鱼涌地铁站出口对面既小店，今次特登过嚟，系因为想试佢既招牌卤水鹅。星期六黎，都几多人，等左阵先有位。好食嘅潮州菜馆其实唔多，打开餐牌都几多选择，可惜得两个人食唔到好多。当然一心黎系想试佢个卤水鹅，门口已经见到啲鹅好大只好肥美，食落果然唔干身，好入味好正，重点系佢下面啲豆腐垫底，索晒啲卤水汁味非常正👍🏼👍🏼入到黎见到隔离枱有个糖醋双面王，我当然唔执输即刻嗌，又香又脆，再加埋砂糖同醋一齐食，好好味，我非常钟意，加上依家已经冇乜地方有得食双面王。😋😋椒盐九肚鱼，其实我每逢去到小菜馆，都必定会食，纯粹因为自己喜好，而呢一间都整得好好食😎😎豉椒炒蚬，又系因为个人喜好，因为钟意将九肚鱼点豉椒汁嚟食，咁样食味道真系好好，所以我通常两样一齐嗌，呢间啲蚬都炒得好好味，好新鲜。👍🏼👍🏼总括来讲，呢间小店质素几好，下次要再试其他嘢食。