滷友記 (華都中心)

营业中

休息中

出街食饭最惊见到万年油，但系有啲酱料，就系越耐越有味。卤水汁系一种好特别嘅嘢，用上好多香料同药材，丁香陈皮甘草，桂皮八角....，每日高温烹煮，再不停补充材料同肉类，所以味道越浓郁之余，又唔会变坏。所以拣到一间好嘅卤水店，越去得多次，啲嘢就会越好味！呢间真系正，而且选择好多，我决定咩都叫啲！ 🍖叫左一碗蕃茄汤台式牛肉面汤底，用蕃茄溶系卤水汁之中，汤嘅质地因此变得杰身，蕃茄味道淡淡带出，唔会太甜或者太酸，但系就增加左浓厚程度，配合台式面，扁长既面身，挂起汤汁，味道鲜浓。叫左四个𩠌，金钱肚，卤水豆腐，糖心蛋，同埋甜不辣。卤水好入味，而且颜色好靓，证明卤既时间同火候相当准确。特别系甜不辣，虽然浸系汤，但系都仲好酥脆，入面又烟烟靱靱，而且出奇地夹汤底。 🍖因为想单纯咁试下个卤水汁，所以又另外叫左卤水鸡翼同莴荀，鸡翼大小适中，同样非常入味，卤水汁香甜，轻柔又唔会过咸，喺出色嘅汁胆。莴荀清爽，咬开嘅时候，蔬菜汁液又会为卤水带黎一个清新嘅味道。 🍖最后叫左盐酥鸡，因为发现佢地竟然有台式小食。虽然主打卤水，但系盐酥鸡就一啲都唔差，个皮新鲜炸起非常之脆，肉嫩多汁。一餐饭，食到两种口味，真系又抵又好味。