初遇

营业中

休息中

自己系喺呢一头返工，而呢一间舖头呢都开咗一段时间，一直以来都比较多人，所以都冇过嚟食过午餐，今次难得见都唔系好多人，于是就嚟试吓佢个午餐都几多选择，有啲系set嚟嘅，又有鸭血啦又有汤又有嘢饮饮咁样，但系自己食量都唔系太多，于是就嗌咗佢餐牌上面推介嘅卤肉肠饭，配一杯嘢饮，自己就拣咗珍珠奶茶。要赞佢上菜系非常之快，落咗单5分钟内啦个饭已经上咗枱啦，一上嚟见佢卖相呢系有满满嘅卤肉啦，配埋热辣辣嘅香肠，佢咁快上菜本身以为所有嘢都会唔系太热，但系都系热辣辣嘅，味道方面呢卤肉系相对比较肥，但系非常之惹味，成碗饭可以食晒，而佢个珍珠奶茶都系非常之好饮。