榮哥煮場 (已結業)

依间荣哥望落无乜特别，印象中又唔系开左好耐，但就见成日好爆，门口见到有二人餐又几岩食就试下。虽然座位唔算好阔落，但几乎枱枱叫既野都有个gas炉，就系依度主打既明火滚住既汤锅，就黎冬天，食依d真系几正。前菜系麻酱拌四季豆。拣左个酸菜鱼锅，汤底酸香带微辣，辣唔算好刺激，平时唔太食辣既都应该接受到。另外都好足料，大量酸菜木耳芹菜芽菜等等，索哂汤入味好食，鱼块份量都唔少，而且系连皮既鱼块，鱼够新鲜唔会一夹就散开👍🏻酸甜蓝莓骨依个值得一试，几特别而且出面未见过，走过油表面香脆，蓝莓酸度唔会好高，微酸有果香，依个好食。另外见佢有咖啡骨又系好特别，留番下次试😋