滾得棧 (已結業)

边炉控就算大热天时都一样要约朋友打边炉啊！今次拣左滚得栈油麻地新开分店度聚脚，位置方便左好多！以往系天后同深井都比较隔涉，难约啲朋友，但依家唔同讲法啦，系油麻地仲有咩藉口放我飞机先！一去到安排左个卡位，座位都舒服，岩晒同朋友倾成晚啦！汤底点左鸳鸯锅，一边系潮洲紫菜锅，一边系胡椒猪肚～汤底都足料又清甜，胡椒猪肚既胡椒味都无欺场，够味好过瘾！唔小得啲本地野！火锅必食既牛颈脊啦，脂肪比例同纹路非常平均又靓，食落腍嫩牛香出！真系后悔无点多啲啊！仲有牛舌爽口都好吸引，虽然薄薄地但正正令佢口感刚刚好，一啲都唔韧！另外佢既韭菜饺都十分令人回味，一咬开系满满翠绿既韭菜，比例刚刚好，皮亦十分之薄！都点左啲海鲜，好似墨鱼咀都好爽脆又新鲜！整体嚟讲质素都同之前去其他分店一样咁出色！下次会再嚟～