滾得棧 (已結業)

一大班朋友就最钟意围炉，加上呢家嘅天气真心刚刚好，打个边炉暖暖身又可以同朋友慢慢吹水吹到天昏地暗～今次我地滚友就去左油麻地嘅滚得栈滚滚佢！佢地嘅汤底都系浓郁系列，今次叫左沙嗲同埋必点嘅胡椒猪肚汤底！沙嗲汤底好香浓涮牛就够晒夹啦！啲沙嗲汤汁会挂晒系块牛度～煲入面嘅豆卜都无得顶，吸晒啲汁！例牌要嗌本地牛颈脊，油花匀称，有嚼口牛香好足系我爱佢嘅原因！另外仲点左炸蚝，荣升我系呢度第二爱嘅菜式酥脆之余入面仲好juicy，新鲜无腥！火锅配料我钟意脆骨腩，爽口咬落脆卜卜嘅口感好正！贝类都好新鲜啊～仲点左个坊间少见嘅黄油鸡肠，邪恶指数爆灯佢地嘅饺子都好特别，好似呢个梅菜猪肉饺好得意，真系有几分似肉饼！