Be Leaf (已結業)

今日约朋友去观塘聚下，网上揾到呢间餐厅，比佢多个打卡位吸引住，相信好岩我朋友。呢到装修以波希米亚风为主，好舒服又好靓。先系花花吊椅打卡，真系点影都咁靓，之后就坐低睇餐牌。我哋叫左两个套餐，分别系越式香茅芫茜炸鸡汉堡配炸薯条同埋香辣白酒牛油炒手拆蟹肉珍珠柱贝意大利面。摆碟用心，炸鸡用左香茅芫荽，特别香脆，炸鸡肉又juicy, 切落去好多肉汁，汉堡又厚又松软，配搭蕃茄同生菜平衡番个口感，食落又清新。至于个手拆蟹肉珍珠柱贝配意大利面煮得啱啱好，意粉唔会太淋，柱贝有啲QQ咬口，蟹肉丝份量又多，成个意粉都好好味，丰富口感，白酒牛油食起嚟比忌廉汁同茄汁无咁腻。自家制焦糖饼咖啡预期之外嘅好饮，饮落特别香滑，焦糖饼慢慢溶化，口感特别丰富，值得一试，好好味！Grapefruit summer soda 呢杯饮品单单貌相已经够吸引，颜色好靓，感觉好夏天，饮落有汽同香甜，够晒清新开胃！