Hami Harmony (已結業)

今晚黎到太子食晚饭，叫左一个小食，两个主食同饮品。蟹肉芝士焗大啡菇，有少少沙律伴碟。蟹肉芝士份量好足，芝士味浓厚，大啡菇好有咬口，一齐食好夹。日本带子黑松露什菌意大利饭，带子鲜甜，意大利饭软硬适中，有唔少黑松露、什菌、紫洋葱、青瓜粒、黄椒粒同芝士。牛油汁蚬肉自家制虾米意大利粉，意大利粉由虾米同面粉自家制成，同一般既意大利粉好唔同，偏硬身同咸，几特别同有创意。热朱古力采用法国朱古力豆，比平时饮的香浓幼滑，整杯饮品甜度岩岩好，真材实料，正。热鲜奶上面铺住奶泡，饮落好暖。