籽樂廚房 (已結業)

一个人食饭既晚上黎到一个宁静既楼上社企餐厅，有残缺既人仕经常被社会标签呢间餐厅正正为佢地提供平反既机会证明佢地都可以同正常人一样。餐厅身穿黑色衫既系有听障既职员送上餐牌既同时附上一张指引教食客用手语点餐，有dinner set同散叫，今次就点左4 course dinner set既龙虾拼龙利柳。餐汤饮落好似系薯仔蕃薯忌廉汤但内里又带有少少海鲜清汤既味道，好有新鲜感，配上蒜蓉包烘得松脆又重蒜香牛油味。沙律有3款点左Parma ham黑醋沙律，火腿夹上哈密瓜一齐食哈密瓜既甜味将prama ham既风干咸味温和。主菜用木板送上龙利柳下铺上烤好既蔬菜同薯仔，龙利柳用黑椒作调味都几重黑椒香，鱼柳肉嫩滑龙虾虽然唔算得上大只但外面铺满香浓芝士，龙虾肉弹牙唔靭仲有大大只龙虾钳。甜品拣左朱古力布朗尼细细粒内里果仁食落好香配上餐饮咖啡完美既配搭。性价比高，服务细心感觉有听障既员工更细心同仔细。