影片
更多
2022-06-05
274 浏览
星期日去咗深水埗行街，夜晚就喺天悦𠮶边揾嘢食。冰室对面之前有间几出名嘅西餐厅🍽，我喺附近返工时成日食，但旧同事同我讲上年转咗另一间。佢话新餐厅叫「Follow」，质素更胜一筹，咁就真系要试过究竟喇🤨！餐厅环境同之前冇太大分别，行暗色调，几好气氛🕯。虽然呢度冇华丽浮夸嘅装修，不过餐枱阔落，再加埋木系嘅家私同地板🪵，整体感觉让人舒服。以西餐厅嚟讲🍽，定价属中等水平，意粉或饭平均百几蚊有交易，肉扒就贵少少。佢另外亦设有两个价位嘅二人套餐，由于懒得谂，我哋就拣咗盛惠$488嘅套餐😝。头盘系凯撒沙律🥗，呢款沙律系我至爱，因为用上罗马生菜，食落无咁草青味，又够爽脆。沙律酱配上大量巴马臣芝士，再加埋风干火腿🥓，完胜落好重醋嘅酸味沙律。是日餐汤系蕃茄杂菜汤🍅，杂菜汤并非一般嘅罗宋汤，佢唔系用茄膏开，而系用鲜茄同蔬菜煲，所以味道天然，唔系好酸、杰挞挞𠮶种。汤品好有妈妈煲嘅住家汤感觉，无添加味精。鲜茄汁意大利云吞🥟，邮票形状嘅云呑有五只，无论饺皮定中间啲馅都唔错。酱汁有两款拣，分别系鲜茄同忌廉芝士汁，前者相对无咁溜。不过我认为云吞唔似前菜，似主菜多啲，哈哈。烧西班牙猪鞍配薯菜🐷，呢道菜式如艺术品一样，摆盘
星期日去咗深水埗行街，夜晚就喺天悦𠮶边揾嘢食。冰室对面之前有间几出名嘅西餐厅🍽，我喺附近返工时成日食，但旧同事同我讲上年转咗另一间。佢话新餐厅叫「Follow」，质素更胜一筹，咁就真系要试过究竟喇🤨！
餐厅环境同之前冇太大分别，行暗色调，几好气氛🕯。虽然呢度冇华丽浮夸嘅装修，不过餐枱阔落，再加埋木系嘅家私同地板🪵，整体感觉让人舒服。
以西餐厅嚟讲🍽，定价属中等水平，意粉或饭平均百几蚊有交易，肉扒就贵少少。佢另外亦设有两个价位嘅二人套餐，由于懒得谂，我哋就拣咗盛惠$488嘅套餐😝。
凯撒沙律
13 浏览
0 赞好
0 留言
蕃茄杂菜汤
4 浏览
0 赞好
0 留言
鲜茄汁意大利云吞🥟，邮票形状嘅云呑有五只，无论饺皮定中间啲馅都唔错。酱汁有两款拣，分别系鲜茄同忌廉芝士汁，前者相对无咁溜。不过我认为云吞唔似前菜，似主菜多啲，哈哈。
烧西班牙猪鞍配薯菜
8 浏览
0 赞好
0 留言
烧西班牙猪鞍配薯菜🐷，呢道菜式如艺术品一样，摆盘参考咗盆景嘅概念，碟上每粒大小唔同嘅酱汁反映咗厨师嘅用心🪴。除咗靓之外，猪鞍扒味道亦好出色。首先佢够厚切，肥瘦比例适中，而且肉质一啲都唔嚡，又够多汁。🥔伴旁嘅薯菜同样好味，薯宝脆卜卜，翠玉瓜清甜，当中仲有一粒紫薯年糕，口感Q弹好得意。
酸奶忌廉封门柳手工阔条面
12 浏览
0 赞好
0 留言
酸奶忌廉封门柳手工阔条面🍝，阔条面系手工制作，质感富有嚼劲，而且阔条超过一厘米，所以特别挂汁。酸奶忌廉汁亦好特别，佢比普通忌廉汁更浓稠，食落有少少酸忌廉嘅味道🤤，但记得要趁热食，因为冻咗就有啲腻。本身对搭配意粉嘅封门柳无乜期望，🥩点知系神级之作。牛柳外层充满烧烤香气，微微脆，而肉身呈粉红色，肉质细嫩，直头有啲似食紧和牛嘅感觉，无得输。
蓝莓乳酪沙冰
$52
11 浏览
0 赞好
0 留言
苹果姜果粒茶
$48
2 浏览
0 赞好
0 留言
总括嚟讲，今晚呢个二人套餐我会俾满分💯，基本上无任何地方可挑剔。考虑到餐厅位置嘅话，会觉得价格定位稍高，不过食物质素绝对对得住个价钱，超好味道😋。再者，店员服务态度非常好，令成个用餐体验更圆满。
张贴
