影片
更多
2019-08-24
2185 浏览
呢日喺中环食完晚餐，但晚餐间餐厅嘅甜品竟然一样都唔啱😧，所以要再揾甜品食，但喺中环真系无咩几多甜品选择，一系窝夫一系就雪糕，再唔系就要过西营盘或铜锣湾果边。寻寻觅觅，醒起不如喺openrice直接search甜品，由于我系提拉米苏嘅粉丝，所以用佢嚟搜寻就俾我哋揾到下站去边喇😛。置地就经过得多，但真系好少入嚟食嘢🙈，我哋有清晰目标嚟到CIAK就系食甜品，所以佢比咗篮面包🥖我哋都不了哈哈。入到去先发现原来餐厅好大，环境几好，有好多大台好啱一大班人聚会，不过就比较应声同嘈。睇完menu后，我哋决定要Semifreddo($100)同Tiramisu($140)，其实有好多其他嘢都想食👉🏻👈🏻。首先嚟嘅系Semifreddo，其实即系乜嚟嘅呢🤔，我哋google完都唔系好知，见几特别先叫佢嚟试下。原来个字意大利文指半冷冻状态...(冰糕?)，但见啲材料系正常大路嘢嚟嘅(wild berries, apricot emulsion(主角) & raspberry sorbetto)。到上碟喇，哗好靓啊😍，即刻觉得果然系十分钱十分货哈哈。中间半圆形果球就系个主角，外层有啲焦糖烧咗脆脆嘅感觉，口感似
置地就经过得多，但真系好少入嚟食嘢🙈，我哋有清晰目标嚟到CIAK就系食甜品，所以佢比咗篮面包🥖我哋都不了哈哈。入到去先发现原来餐厅好大，环境几好，有好多大台好啱一大班人聚会，不过就比较应声同嘈。睇完menu后，我哋决定要Semifreddo($100)同Tiramisu($140)，其实有好多其他嘢都想食👉🏻👈🏻。
首先嚟嘅系Semifreddo，其实即系乜嚟嘅呢🤔，我哋google完都唔系好知，见几特别先叫佢嚟试下。原来个字意大利文指半冷冻状态...(冰糕?)，但见啲材料系正常大路嘢嚟嘅(wild berries, apricot emulsion(主角) & raspberry sorbetto)。到上碟喇，哗好靓啊😍，即刻觉得果然系十分钱十分货哈哈。中间半圆形果球就系个主角，外层有啲焦糖烧咗脆脆嘅感觉，口感似炖蛋同mousse中间，但唔系炖蛋嚟因为无蛋味，而系淡淡杏霜嘅味道，唔会好甜，好好味好正😋😋😋❗️中间会混合咗啲红莓蓝莓，有唔同口感，但我觉得放返出碟可能仲好。而个🍓红莓雪葩放埋一齐都好夹好清新，本身惊好酸但唔会。上面就有啲糖胶，而下低就系🍫朱古力饼碎，而橙色嘅伴碟就真系有橙味😂。一个甜品有咁多唔同元素得嚟又毫无违和感，又特别又靓又好食，💯💯💯满分推介。
Semifreddo
$100
119 浏览
2 赞好
0 留言
另一甜品就系Tiramisu，材料有lady finger sponge, coffee jelly & coffee icecream☕️。呢个造型都靓啊，但就系行沉色路线哈哈。装住Tiramisu个杯劲肥劲大个劲深👍🏻，上面有啲圆形脆粒点缀，又带嚟啲唔同口感。呢到食到嘅同出面最大嘅分别系有coffee jelly，估唔到加咗啲啫喱落去又几正，多一层滑滑的。至于个味道系好味嘅，只芝士无欺场，又滑又香；可惜嘅系我始终钟意酒味浓啲嘅tiramisu，而呢到嘅就无咩酒味。但都无问题啦，到到有唔同特色嘛，而呢个甜品另一特色系佢个咖啡雪糕，唔系特别好味，而系特别苦😳😳😳😳😳😂。雪糕直头有espresso咁浓，第一啖真系系完全估唔到，建议食咗啖tiramisu先食雪糕会好啲，如果唔系会太苦食唔到味😂，不过饮返啖水就解决到👍🏻。
Tiramisu
$140
115 浏览
0 赞好
0 留言
总括嚟讲，我除咗用高质同特别嚟形容啲甜品之外，都无咩其他形容词更加贴切😍。虽然以甜品嚟讲真系几贵下，最平都要$100，而且仲要加一，但佢嘅质素绝对对得住个价钱😋，所以间唔中或者过时过节食下都ok嘅，有机会都会嚟试埋佢嘅咸食🤤。
74 浏览
0 赞好
0 留言
张贴
