グリル滿天星

营业中

休息中

 本身系一个钟意食蛋包饭既人，亦都食过唔同餐厅既蛋包饭，但系呢间既蛋包饭竟然可以卖到超过200蚊一碟，好奇心驱使下，去试左一次，冇谂过咁贵都仲有咁多人排队食😳铺头主要就系食蛋包饭、咖喱饭、仲有各式小食同埋铁板料理。食完之后觉得，好食系几好食既，但好食到比我一种wow超晒班既感觉，200几蚊真系太贵，食过一次之后唔会再食🙈   1⃣️满天星肉汁汉堡扒蛋包饭（$238） 呢个算系佢地既招牌菜，首先蛋包饭既蛋系真系靓既，色泽望落已经同出面一般蛋包饭唔同，食落都有蛋香同埋算嫩滑既，用既系兰王蛋👍肉汁系用酒同牛肋骨熬制，食落味道几香，不过有啲咸。汉堡扒好厚，食落牛味好重，都几juicy😋蛋包饭用既系炒饭，系茄汁底既，配上菇、火腿、粟米、带子、虾、青豆炒埋一齐，味道都几好，就咁食都已经几好食。不过overall觉得呢个价钱实在太贵🤔  2⃣️满天星肉汁忌廉蟹肉饼蛋包饭（$208） 忌廉蟹肉饼淋上左茄汁，茄汁系偏抽身偏酸既，蟹肉饼炸得好脆，真系食到丝丝蟹肉🤤中间既部分系软心幼滑既忌廉，几好食～  、