至尊滿屋日本料理 (已結業)

之前食过铜锣湾分店觉得唔错，今次约FD食饭，一于又去试下佢地既旺角分店！位于食肆林立既琼华中心，晚市放题分别提供两小时 (由$208起)或五小时 ($358)两种价钱选择，今次K就拣左两小时放题，时间都足够。佢地呢度饮品选择都多，由纸包饮品到罐装汽水、清凉爽呢啲都有；酒鬼们可以任饮梅酒清酒，更有Hoegaarden同Somersby，系放题黎讲都比较少见。放题纸方面都系一般放题种类啦，包括有小食、沙律、季节料理、烧物、锅物、天妇罗、炸物同和风料理。寿司、手卷等好细心咁设计到细细旧，岩哂D想食但又唔想占太多Quota既朋友，而且呢度仲有一啲创意寿司好似香芒龙虾沙律卷、烈火拖罗加州卷、至尊蜜糖芥末三文鱼腩寿司、法式芥末象拔蚌寿司等，比较有新鲜感。刺身亦都够新鲜，质素唔错。炸物必点榴梿波波，完全系ENCORE之选！外皮炸到脆卜卜，热到辣口，中间塞满左榴梿馅，超！级！香！仲有炸香芋丸，外皮烟烟韧韧，中间满满既芋蓉好绵密，而且味道不太甜，唔会觉得好添加，芝麻鸡翼亦炸得香脆可口。料理选项中既吉品鲍汁烩花胶盛宴同西京比目鱼都系唔错既，比目鱼煎到外脆内软，花胶当然系回本位啦，煮得淋身入味，都几大件嫁。