滿屋日本料理 (已結業)

真系好耐好耐冇食过放题啦，因为平时啲放题既质素都几参差吓，唔系间间得🙉今日有朋友生日提议话想食放题，咁就梗系生日大晒啦！咁呢间放题就系出名多好嘢食既铜锣湾，又几多好评，希望有返咁上吓😆咁呢度既寿司同刺身都超多选择，因为我劲钟意食带子就狂叫北海道带子，呢度既货好新鲜吓几正，溶雪冇问题唔会有冰👍🏻狂食带子已经回本😆呢度既寿司d饭都唔错，唔会太硬🍣炸物系即炸，新鲜脆口！串烧方面，佢都有好多选择，包括烧鸡肉、鸡软骨、牛舌、大虾等等、应有尽有。串烧鸡肉调味都唔错，有少少沙嗲酱嘅味道，加埋火炙焦香，比得上出面泰国餐厅单点嘅串烧。而鸡软骨比较干，不过亦算可以一试，大虾就系用盐嚟调味，简单得嚟都算惹味。甜品嘅选择都有几多，除咗常见嘅哈根大师同Dryer’s 之外，更加有一啲比较高级嘅自助餐先至会有嘅movenpick，不过雪得比较硬，放一阵先食就啱啱好，完满呢个超饱又好满足既一餐🍨