滿屋日本料理 (已結業)

今日同朋友去咗满屋食放题，饮品选择好多，有几个雪柜，任饮。点食物可以起纸tick，或者出面拎。先点左刺身，有带子、甜虾、鱼，下底有超多冰保冷，味道正正常常！寿司有我最爱的火炙寿司，三文鱼同蟹棒都好好食，食到有火烧的味道。天妇罗即叫即炸，咬落仲出烟架！天妇罗虾最好食，炸粉适中。熟食算好多，牛油粟米好味！烧物，烧菠萝同牛舌必点，仲encore 左两次，好够火喉，菠萝好甜好多汁。最后食埋雪糕，Häagen-Dazs或者movenpick，朋友拣咗movenpick 士多啤梨味，清新消滞，而Häagen-Dazs 焦糖脆饼相对系比较甜。