影片
更多
2018-10-08
5576 浏览
国庆10月1号期间去咗营致会馆试吓新野，会馆系中上环中间，以前聘珍楼个位。门口系域多利皇后街。餐厅设喺楼上一楼，铺面好大，应该可以坐到100人有多。服务态度良好亦都好够侍应，侍应亦都识推介嘢食俾你。听楼面讲，师傅系以前系唐阁同埋都爹利会馆做过，食过之后觉得真系名不虚传。厨师推介嘅菜式真系味味都好好食！珊瑚芙蓉虾球皇：好耐未食过虾球系咁弹牙同埋咁大只，佢嘅蛋白又滑又香真系好耐冇食过咁有水准嘅菜式。黑鱼子煎酿鲜蟹拑：蟹钳又香又甜，啲肉系一疏疏，黑鱼子，瑶柱同虾酱亦都好夹。香葱爆乳龙：呢味够镬气，红葱头亦都炒得好香。龙虾老老实实就唔够大只不过好新鲜。蜜汁极上豚肉叉烧：肥瘦刚好，肉质好稔身，烧得有香味。略嫌佢酱汁有啲太甜。脆香贵妃鸡：贵妃鸡皮真系炸得好趣，鸡肉尚算鲜嫩。好香鸡味！云吞酸辣羹：中规中矩冇乜惊喜不过云吞皮好滑。碧绿海三鲜：食呢味𩠌嘅时候已经开始好饱，但系真系不得不提佢嘅西芹炒得好靓，爽脆得来又幼嫩直头好似食紧芦笋咁。有惊喜！豉椒美国鲜牛肉炒面：牛肉炒得好靓又有镬气炒面脆口得来唔会太腻。甜品来讲就冇乜惊喜自己睇相啦。久唔久放纵自己一次都要，多谢爸爸埋单。三个人食每人大约$1000,唔
服务态度良好亦都好够侍应，侍应亦都识推介嘢食俾你。听楼面讲，师傅系以前系唐阁同埋都爹利会馆做过，食过之后觉得真系名不虚传。
厨师推介嘅菜式真系味味都好好食！
珊瑚芙蓉虾球皇：好耐未食过虾球系咁弹牙同埋咁大只，佢嘅蛋白又滑又香真系好耐冇食过咁有水准嘅菜式。
黑鱼子煎酿鲜蟹拑：蟹钳又香又甜，啲肉系一疏疏，黑鱼子，瑶柱同虾酱亦都好夹。
香葱爆乳龙：呢味够镬气，红葱头亦都炒得好香。龙虾老老实实就唔够大只不过好新鲜。
蜜汁极上豚肉叉烧：肥瘦刚好，肉质好稔身，烧得有香味。略嫌佢酱汁有啲太甜。
脆香贵妃鸡：贵妃鸡皮真系炸得好趣，鸡肉尚算鲜嫩。好香鸡味！
云吞酸辣羹：中规中矩冇乜惊喜不过云吞皮好滑。
碧绿海三鲜：食呢味𩠌嘅时候已经开始好饱，但系真系不得不提佢嘅西芹炒得好靓，爽脆得来又幼嫩直头好似食紧芦笋咁。有惊喜！
豉椒美国鲜牛肉炒面：牛肉炒得好靓又有镬气炒面脆口得来唔会太腻。
甜品来讲就冇乜惊喜自己睇相啦。
久唔久放纵自己一次都要，多谢爸爸埋单。三个人食每人大约$1000,唔饮酒。
张贴
