麵鮮醬油房周月 (海光街)

营业中

休息中

难得见客黎到鲗鱼涌呢边，梗系趁收工揾下有咩特别野食，行到海光街，发觉成条街都系大大小小嘅餐厅，呢个时候识野梗系睇下边间铺头多人排队就食边间咖啦，后来发现一间叫“周月”嘅铺头排嗮队，门口又挂嗮“米芝莲推介”，心念应该无伏啦~就决定食呢间。等佐几分钟，厨房哥哥就安排佐我同友人入去，铺面算唔大，虽然厨房哥哥要兼埋做带位但算热情，铺头系传统日式拉面格局Bar台，望到厨房煮面，简单介绍佐几款面俾我地，望住厨房哥哥筛面哥几下功架唔讲得笑，好Pro咁.我叫嘅“周月拉面”，叉烧睇住厨房哥哥即刻系炉上烧，表面有少少焦香，拉面够幼身易挂汤，重点系只糖心蛋！蛋黄流心刚刚好而且好有蛋香，蛋白亦好入味！食完即刻order多佐只。友人碗“香葱拉面”，好多葱，真系好多葱，啱嗮佢中意多“青”嘅口味...总结：味道中上，拉面bar台格局，满意一餐。