鴻星中菜 (已結業)

同Honey,阿妹和表弟妹一行5人去鸿星食餐大闸蟹本来期望不太高,但点知有意外惊喜因为我们食完tea有d饱...所以叫了一个4人餐,谂住食住先到时食落唔够再加𩠌。全晚服务都唔错，除了个男部长全程面黑黑之外，d阿姐个个都几好人、几有交带，我们每人都有一set食蟹叉、剪刀及透明胶手套，换碟亦算勤力，值得一赞! 经同事推介之下，上星期去过西环个间四季餐厅食大闸蟹，相比之下西环个间简直系垃圾喇! 又无透明胶手套，d侍应服务态度又差，大中细蟹一碟咁上要d客自己拣自己分，其他食物份量少之余而且好难食，食到最后又无姜茶饮添呀，真系谂起都嬲!我们叫的4人大闸蟹餐一共有8只公4只乸，侍应好细心咁帮我们分开公乸各一碟上，我食咗一公一乸味道都唔错几鲜甜，虽然乸就细只咗d, 不过本人喜欢佢d膏比较结实。除了主角大闸蟹之外, 还有...蟹粉小笼包...多汁好味!半只盐焗鸡...普通啦~一条清蒸石班...鲜甜!翠肉瓜炒虾仁...好味d虾好大只好新鲜!腊味糯米饭...正!!姜茶...有d辣!糯米糍...好味!糖水...一般，因为小弟唔太喜欢食绿豆沙!结果大家都食到好饱; 大闸蟹食剩咗一只，只鸡同糯米饭都食唔哂!