泰肥牛海鮮火鍋菜館 (已結業)

平时好少落佐敦食饭，朋友说佐敦近庙街处有间新开的泰国菜馆，门口经常有大量客人等位，抱住唔蚀底心态，同六七名友人落菜馆试下，果然系一间好嘢。当日试了海虾刺身，6只68蚊，12只115蚊，当然后者较抵，的确，刺身一上枱，唔使十分钟只剩回吉碟，虾肉爽夹滑，新鲜度爆灯，加上秘制调味汁，经众人不用3分钟的商议，即时再order多一碟。酸辣凤爪又是佳作，怕食辣的朋友亦大叫好味，因为其辣不呛喉，凤爪亦好爽，50蚊大大碟，好抵食。冬阴功大头虾汤是我的至爱，味道浓，层次亦分明，唔会一味辣，虾味在口中久久不散，我比100分，118蚊大大煲，抵饮又好味。青㗎喱猪亦不差，但略嫌汁液太杰，朋友话一向系咁，可能我少食青㗎喱，但味道又确实唔错。咖喱炒肉蟹，308蚊，看似好贵，但吃着充满咖喱香味的肥美肉蟹，感觉实在满足，不过，食时要好小心，事关，我 就食到T恤一滴滴咖喱汁。炒椰菜苗，算是当夜较失望之作，因为菜苗比较老，不过跟老板反映过后，极nice的老板即时替我们换另一种菜，惊喜到而家。绝招炒花甲王，唔使讲嘢，必食。炸酿珍宝鸡翼，饭局尾声已饱了九成，但实在忍唔住将鸡翼放入口，食完先算咯。