小甜谷 Dessert Kaffee (已結業)

之前已经试过呢间嘅甜品，知道佢地原来新开多咗一间西餐厅，所以决定跟老公去试试。位置都算方便，近铜锣湾地铁站C出口，行大约3分钟左右就到。店内感觉光猛，装修精致，而餐牌颜色色彩缤纷，睇见令人心情愉快。食物款式多多，睇到人眼花撩乱。鲜榨神奇西瓜原个小西瓜起肉打成新鲜西瓜汁后再放回壳内，原个奉上，西瓜汁冰冻解渴，味道清甜。冰冻鲜果锡兰茶锡兰茶味香浓，每一啖都渗出淡淡嘅果香味，而且整体上不算太甜。68度温泉蛋忌廉蟹肉意大利粉新鲜蟹肉配上大量蟹籽，面层放上温泉蛋，拌混之后每条意粉都充满蛋香味，而且忌廉汁香滑，蟹肉鲜味，令人一试爱上。胡椒蜜糖猪仔骨，厚薯条（半份）黑胡椒加上蜜糖烤焗而成，味道甜甜地又有胡椒香味，肉质鲜嫩有咬口，配上粗身厚薯条，还有加上芝麻酱的生菜沙律，滋味非常。最后当然要叫个甜品做结尾。抹茶白玉新地抹茶雪糕香浓软滑，配料有不同颜色嘅糯米丸子。焙茶白玉新地焙茶味突出，味道香甜。估唔到主食水准都可以咁出色，而且员工有礼貌，下次可以再试其他款式。