倫哥火鍋私房菜 (已結業)

今日黎到最近颇多人推介的伦哥私房菜庆祝朋友生日，试吓系咪真系咁好味🤔🤔先上的是用猴头菇同老鸡炖嘅炖汤，好足料够晒清甜😋😋饮完汤就上刺身，每样刺身都好正常最紧要无雪味👍🏻👍🏻之后就轮到上鸡煲，叫咗小辣，惹味得来鸡都算嫩滑。鲍鱼仔都问得够入味，唔错唔错。食完鲍鱼就上汤底打边炉，呢个天麻鱼头汤底因为限量供应所以要早两日预订，离远已经闻到好香天麻味，原只鱼头已经熬到接近溶晒，虽然卖相麻麻地，用来做火锅汤底一流😋😋安格斯肥牛纹理都算可以，可惜唔系任食。海鲜拼盘都算丰富👍🏻👍🏻埋单每人$323（需加一），无限时，性价比真心不错👍🏻👍🏻