大麥牛肉麵 (已結業)

小店既牛肉面有酸菜，一块萝卜，半只卤鸡蛋，4片牛展。当然要有酸菜先称得上一碗合格既台湾牛肉面。一碗招牌红烧牛肉面，一碗招牌红烧牛肉荞麦面。红烧汤底(辣),浓郁一啲唔油腻，我都相信系冇落味精，真材实料，因为饮晒啲汤之后都冇觉得口渴。荞麦面比较粗身，食到有麦味，估唔到荞麦面都配搭得到台湾风味。欣赏小店的辣，唔系落辣椒油或者酱去配搭，而系用花椒去烹调，唔会令汤底多油，辣味真系渗入汤中，不过辣度唔强烈，老板娘仲另外比多一碗充满花椒嘅汤底。老板娘有礼貌而且又有笑容，睇其他饮食文章知道老板娘曾经系台湾留学，学习过台湾厨艺，暂时系我系食过最有台湾味道既牛肉面，亦都系我最满意。由于系小店，人手唔会太多，大家要耐心等候。