大滿喜日本料理 (已結業)

同朋友食饭，最好食放题，因为大家都食到自己钟意既野。所以今日同朋友食大满喜，可能5点半时间尚早，只有几台客，但好彩我地早黎，如果唔系就要等位了。环境光猛整洁，位置也宽敞，坐得舒服。点餐纸有埋图片，咁就容易拣食咩啦~一开始我叫左个沙律令自己开胃一点，沙律菜新鲜，虾也很弹牙。放题不少得既系刺身，因为我本身钟意食虾，所以点左好多款虾，赤虾、甜虾、泰式生虾，仲有三文鱼、贝柱，饱鱼片。三款虾之中，泰式生虾是惊喜，酸酸辣辣的好好味，三文鱼也好厚身。来点熟食，点了羊架, 有好香的羊味同孜然粉的味，我食左2件，哈哈串烧烤物也不错，我又点了虾，刺身同串烧各有各好。天妇罗很松脆，除了天妇罗虾，我还试了天妇罗玉子，好好食呀。芝士焗鲜贝，呢个真系必食，带子又够，大只好好味。长脚蟹粥，食左咁多野，可以食淡粥清一清个口，长脚蟹好有海水咸味。炸鸡翼，炸蚝，炸芝士，炸榴梿。炸蚝同炸榴梿我好钟意，香脆又唔油，下次再黎一定encore!!!食咁多野每人都系180蚊，抵食呀!!!总结而言，大满喜食物质素不错，环境舒适，侍应友善而且好快手，价钱适中。