影片
更多
2021-05-01
2535 浏览
-🦄寿司の神-DINNER OMAKASE Hkd1280🔻先付 Appetizer🔻お造り3品 Sashimi🔻寿司10贯 Sushi🔻吸い物 Soup🔻デザート Dessert-寿司の神-系元朗国一直口碑都唔错身为屯门牛牛嘅我 反而无系元朗食过OMAKASE今次一食就食佢哋嘅晚市厨师发办 晚市有两个选择个人觉得食1280嘅都好足够 足以食到你好饱好满足♦️北海道厚岸生蚝 ▪️Rating🌕🌕🌕🌕🌑人生中食过最大嘅生蚝 同我手掌差唔多大 好巨型好想一啖食咗佢 但基于佢太大 最后要分两啖食🥺如果比师傅望住我不顾仪态咁一啖食哂会好尴尬...生蚝好鲜好鲜 而更多嘅 系好肥美 口感极佳基本上生蚝完全包覆住你条脷 你嘅口腔 好满足之不过 佢嘅生蚝味又唔算真系好重好浓厚个种但真系好好食 唔需要太多嘅调味已经好足够😈我仲食埋底层嘅昆布 但比店员阻止咗 好尴尬因为佢话昆布系用嚟垫住个生蚝 可能会有蚝壳碎如果想食嘅话可以叫师傅比多啲我食🤣好搞笑🤣♦️𫚕鱼 ▪️Rating🌕🌕🌕🌕🌑睇图都见到 厚切𫚕鱼好肥美 入口即溶无得弹鱼肉好嫩 唔明点解可以咁好食 都唔似食鱼嘅油脂感好丰富 但一啲都唔觉得好油腻好讨厌师傅先
🦄寿司の神
-
DINNER OMAKASE Hkd1280
🔻先付 Appetizer
🔻お造り3品 Sashimi
🔻寿司10贯 Sushi
🔻吸い物 Soup
🔻デザート Dessert
-
寿司の神-系元朗国一直口碑都唔错
身为屯门牛牛嘅我 反而无系元朗食过OMAKASE
今次一食就食佢哋嘅晚市厨师发办 晚市有两个选择
个人觉得食1280嘅都好足够 足以食到你好饱好满足
♦️北海道厚岸生蚝
▪️Rating🌕🌕🌕🌕🌑
生蚝
34 浏览
0 赞好
0 留言
人生中食过最大嘅生蚝 同我手掌差唔多大 好巨型
好想一啖食咗佢 但基于佢太大 最后要分两啖食🥺
如果比师傅望住我不顾仪态咁一啖食哂会好尴尬...
生蚝好鲜好鲜 而更多嘅 系好肥美 口感极佳
基本上生蚝完全包覆住你条脷 你嘅口腔 好满足
之不过 佢嘅生蚝味又唔算真系好重好浓厚个种
但真系好好食 唔需要太多嘅调味已经好足够😈
我仲食埋底层嘅昆布 但比店员阻止咗 好尴尬
因为佢话昆布系用嚟垫住个生蚝 可能会有蚝壳碎
如果想食嘅话可以叫师傅比多啲我食🤣好搞笑🤣
♦️𫚕鱼
▪️Rating🌕🌕🌕🌕🌑
睇图都见到 厚切𫚕鱼好肥美 入口即溶无得弹
鱼肉好嫩 唔明点解可以咁好食 都唔似食鱼嘅
油脂感好丰富 但一啲都唔觉得好油腻好讨厌
师傅先系𫚕鱼上落咗少许酱油 食嘅时候点芥末即可
♦️油甘鱼两食
▪️Rating🌕🌕🌕🌕🌘
油甘鱼
34 浏览
0 赞好
0 留言
今次呢碟油甘鱼刺身 师傅更加增添咗一啲花巧功夫
佢轻轻用火枪 轻烧油甘鱼 卖相真系好靓好吸引
个人更加钟意食炙烧过嘅油甘鱼 有好绵密嘅口感
本身未烧过嘅油甘鱼已经油脂感好丰富好满足
炙烧完之后 呢种状态真系无得输 逼哂啲油份出嚟...
♦️萤光鱿鱼
▪️Rating🌕🌕🌕🌕🌑
萤光鱿鱼
32 浏览
0 赞好
0 留言
好耐之前曾经系xx郎食过萤光鱿鱼 但系觉得好难食
而寿司の神嘅萤光鱿鱼完全颠覆咗我对佢嘅想像😨
师傅轻轻烧过啲萤光鱿鱼 每一啖都系爆哂膏...
我食完真心好惊 因为啲膏太爆 胆固醇都爆埋☺️
除此之外 就系食到佢嘅鲜甜 佢嘅甘味 爽口弹牙
原来萤光鱿鱼都可以咁好食架...呜
♦️茶碗蒸し
▪️Rating🌕🌕🌕🌑🌑
茶碗蒸
15 浏览
0 赞好
0 留言
一开始坐低无耐其实已经会送上热辣辣嘅茶碗蒸
唔同嘅厨师发办嘅茶碗蒸都唔同 有啲就咁普通一碗
有啲会加黑松露 而寿司の神就加咗蟹肉同帆立贝
茶碗蒸し好鲜甜 蟹肉同埋帆立贝柱嘅份量都好多
基本上可以食到啖啖海鲜 而面头仲有食用花点缀
不过我个人比较钟意食较结实嘅茶碗蒸し
而寿司の神嘅茶碗蒸し就偏向水汪汪嘅质地
口感上就各有各喜爱啦 不过味道上系好食嘅
♦️前菜渍物
▪️Rating🌕🌕🌕🌕🌑
渍物
14 浏览
0 赞好
0 留言
前菜渍物基本上系无限添食嘅 师傅见你食完会补给
所以你可以疯狂咁食呢啲渍物 因为都真系几好食😋
有我好爱嘅子姜 我食新一碟刺身寿司前会食片姜
蒜头腌制过之后味道似泡菜 完全无蒜头味 好惹味
我谂最特别嘅都系冰头渍 佢系三文鱼鼻头软骨
我听就听得多 食都系第一次食 好好食呀真系
软淋淋咁 再加上师傅有先调过味 微酸好开胃☺️
冰头渍我真心想疯狂REFILL 不过好似唔系咁好...
寿司10贯 款款都有惊喜 寿司饭系赤醋饭我钟意呀😜
♦️赤睦寿司
▪️Rating🌕🌕🌕🌕🌑
可以话系我系呢10贯寿司中最钟意嘅其中一贯🤤
平时好少见 系时令食材 次次见到都好想试
今次竟然食到 有惊喜 师傅仲用火枪炙烧过 好正
好似食紧一旧软绵绵嘅脂肪咁 入口即溶已是常识
师傅话要就咁揾手 拎起块紫菜包住件寿司食
所以我一影完相 抹一抹手 就直接品尝 真心好食
赤睦又有第二个名叫喉黑 可以婫美喜之次鱼
因为佢系深海鱼 所以皮下脂肪先会咁丰富咁正
面头加少少葱花又或者简单嘅调味已经好足够☺️
♦️青森县 帆立贝寿司
▪️Rating🌕🌕🌕🌑🌑
平时最爱食帆立贝嘅我表示呢件帆立贝真系好鲜好甜
虽然无我平时食开个啲咁厚咁大粒 北海道个啲呢...
呢件帆立贝寿司可以睇到师傅嘅刀功 系切得几咁靓
因为真系好新鲜 系好食嘅 有另类嘅满足感 唔识讲...
♦️深海池鱼
▪️Rating🌕🌕🌕🌕🌑
深海池鱼
15 浏览
0 赞好
0 留言
深海池鱼有几好食就唔使多讲啦 不嬲我都好钟意食
池鱼肉质鲜嫩肥美 脂厚油香 鱼油又甘香细腻
鱼肉好嫩 基本上呢个口感无得输 只粉红色又靓☺️
♦️活北寄贝
▪️Rating🌕🌕🌕🌘🌑
活北寄贝
12 浏览
0 赞好
0 留言
根本无得同平时食开嘅北寄贝做比较 两个层次
平时个啲好似食紧一旧胶咁 有啲咬极都咬唔烂
呢个入口清爽 爽口又弹牙 好易咬得开又够嫩
鲜味够 师傅话弹一弹佢嘅肉质会更加结实 正🙊
♦️石鲷
▪️Rating🌕🌕🌕🌗🌑
肉质嫩得嚟又带点结实嘅口感 薄薄一切已经好满足
油脂感唔算好重 但系会有种爽朗嘅感觉 好食😋
我都系第一次食 已经入咗我自己嘅LIST入面😆
♦️富山县 白虾
▪️Rating🌕🌕🌕🌗🌑
白虾寿司其实系我第一贯嘅寿司 想先来点清淡啲嘅
就非呢个白虾寿司莫属 食到嘅系虾嘅鲜甜味而已
佢嘅鲜味同细嫩嘅口感系我印象最深刻嘅
我食过嘅虾寿司嚟讲 呢碟白虾寿司都唔错☺️
♦️白子盛
▪️Rating🌕🌕🌕🌕🌕
白子
31 浏览
0 赞好
0 留言
抱歉 身为白子疯狂粉丝嘅我 无办法唔比佢5分满分
本身已经去到最后一件寿司 师傅问我够唔够饱
如果唔够饱嘅话可以额外整多个手卷比我叹吓
不过我已经都几饱吓...所以就拒绝咗呢个邀请🥺
而呢个时候 我就问最后一件寿司有无机会食到白子
无谂到师傅竟然话有 可以整比我食 太幸福🥰
用白子取替最后一件寿司都唔错 对我来讲系小惊喜
佢有别于我食过嘅白子 想必佢应该唔系鳕鱼白子
一粒粒好似鸡子咁 食落更加丰盈饱满超CREAMY...
每一粒都好珍贵 我要好好沉醉于白子爆开嘅每一刻
♦️马粪海胆
▪️Rating🌕🌕🌕🌕🌑
马粪海胆
24 浏览
0 赞好
0 留言
我嘅第一贯海胆寿司☺️无谂到系嚟得咁突然 正
味道甘甜 海胆味浓郁 仲会有回甘味 幸福感满满
有几CREAMY我真系唔多讲喇 你哋去试吓啦😉
♦️紫海胆
▪️Rating🌕🌕🌕🌖🌑
亦都估唔到 我食完马粪海胆之后 隔咗件帆立贝寿司
就轮到紫海胆嘅登场 真系无谂过会有第二贯海胆
不过呢个紫海胆就无马粪海胆咁有惊喜咁好食
虽然佢都好食 但系海胆味嘅浓度比马粪海胆淡
佢唔系好浓郁 鲜中又带点清 清中又有啲甜咁
系另一种享受 不过我个人都系比较钟意马粪海胆
♦️松叶蟹海胆
▪️Rating🌕🌕🌕🌑🌑
食完啱啱嘅紫海胆 师傅就比咗件好正嘅赤睦我叹吓
点知之后就整咗呢件松叶蟹海胆 无可否认系心思嘢
我觉得松叶蟹绝对系主角 因为松叶蟹味实在太浓厚
反而海胆味唔系好食到 佢只系弱弱嘅小配角
海胆味完完全全比松叶蟹嘅味道盖过咗 唔见咗🤣
松叶蟹好鲜 海胆都好食 但佢哋好似做唔到朋友咁
摆埋一齐无互相帮助大家去更上一层楼 相得益彰
反而唔系太融洽而各有各发挥 不过都系我个人感受
♦️洋葱汤
▪️Rating🌕🌕🌕🌕🌖
平时啲厨师发办最多都系得啲好普通嘅面豉汤饮
呢个洋葱汤好有惊喜 店员会提醒你饮之前要搅一搅
唔好睇佢好似好清咁 实际上饮落好浓郁好丰厚
个质感系清得嚟又带点浑浊 再加上碗汤好足料
饮嘅时候啖啖都食到唔同嘅食材 洋葱味又香
所以我真心钟意呢碗热辣辣嘅汤 真系好好饮👍🏻
♦️甜品 熊本县蜜瓜
▪️Rating🌕🌕🌕🌕🌑
唔系北海道嘅赤蜜瓜 熊本县嘅赤蜜瓜都收货👍🏻
呢个时候未去到7-8月都食到咁甜嘅蜜瓜好开心
味道就唔多讲喇 好多汁好甜 师傅又切得靓摆得靓
-
总结一吓 我呢餐其实真系食得几满足几开心☺️
每样食材都合我心意 当然师傅有问我最钟意食边样
我二话不说就答佢系白子 其次就系赤睦寿司
其他寿司料理都好好食 真系词穷唔知点讲好
我都只系提早几日去预订平日嘅晚市 好易订位
当日BAR台都只系坐满咗一半嘅客人 系我意料之外
不过我个人小建议系 希望师傅可以多啲同客人交流
感觉上气氛会好啲 不过就咁望住师傅整料理都唔错
张贴
