Oggi (已結業)

朋友牛一同佢出来食餐饭庆祝一下、相约喺水星街嘅oggi西餐厅,我来过一次食Lunch都唔错、坐得舒服、招呼好、收费易唔贵、食材新鲜、也有不同地方风味菜式选择。来到朋友都话地方唔错细细地、一度植物墙佢至钟意、好养眼!见隔离格嘅龙虾饭好吸引咁㖞！于是大家即开始点餐。受到隔离枱的"条件反射"都Order左个龙意大利饭! 龙虾意大利饭套餐 268元含有；汤、意大利云吞、饮品、甜品等!另一个；西班牙黑毛猪鞍配烧汁 188元配 餐饮一杯餐包好好味!暖暖地好软熟!个汤好特别!用杯分开装住、汤碗有虾肉同忌廉...再将汤倒入碗内、汤味浓郁、好鲜味!.黑松露意大利云吞配牛油汁;云吞有黑松露香味同烟韧、龙虾肉爽甜、酱计都香滑!啲味好夹!热辣辣嘅龙虾饭一出见到我已流口水!卖相好靓!由于酱计系蟹黄忌廉所以金黄色、好香海鲜味、龙虾头作装饰、虾肉爽甜够鲜味!饭都够软滑!好味!黑毛猪鞍烤得表层香脆!肉质爽、有肉味!一客份量足够、都几厚身!真系好唔错 !食完都好饱.....仲有个迷李甜品都好香浓朱古力味、再饮番杯柠檬水帮助下消化!好满足!唔错嘅餐厅!