十戶 (已結業)

港人最愛去日本，我去日本就最鍾意去居酒屋，貪佢夠哂地道疫情下已經有兩年冇返過鄉下，好掛住居酒屋！！！有朋友推薦我食呢間十戶，話啲野食好新鮮好地道。食完既感覺係：好有驚喜！好好味呀！今晚我哋嗌左：✨山葵八爪魚🐙：wasabi味好重，口感彈牙。✨酒盜芝士：我原本未食過，原來酒盜係鮪魚、鮭魚、鯛魚、秋刀魚等等既內臟。聽落好恐怖，但配埋芝士一齊食出奇地好味！口味偏鹹好啱送酒✨刺身五點盛：當晚既時令刺身有甜蝦、珊瑚蚌etc. 超級新鮮，啖啖肉！！！✨十戶特選壽司八貫：壽司上面嘅刺身一樣係好新鮮，今次上面加咗不同嘅seasonings，同刺身好夾。我覺得每款壽司都好味。✨雞腿肉大葱：個人來講覺得呢個普通~✨雞皮：好脆口！！落左少少鹽調味，好好食。✨茶漬明太子飯團：煎香過嘅飯團浸喺茶入面，上面放有滿滿嘅明太子。好好食！！✨燒免治雞肉棒(付雞蛋)：雞肉棒燒得好出色，配埋雞蛋一齊食真係好好味。今次呢篇食評好難打因為我真係係咁諗到好好味呢幾隻字😂😂😂 唔知自己講緊乜嘢咁，但我係好真心咁推介俾大家，真係好好味😂😂😂 (P.S. 環境都好舒服，望吓最後嗰兩張相😍)