十戶 (已結業)

港人最爱去日本，我去日本就最钟意去居酒屋，贪佢够哂地道疫情下已经有两年冇返过乡下，好挂住居酒屋！！！有朋友推荐我食呢间十户，话啲野食好新鲜好地道。食完既感觉系：好有惊喜！好好味呀！今晚我哋嗌左：✨山葵八爪鱼🐙：wasabi味好重，口感弹牙。✨酒盗芝士：我原本未食过，原来酒盗系鲔鱼、鲑鱼、鲷鱼、秋刀鱼等等既内脏。听落好恐怖，但配埋芝士一齐食出奇地好味！口味偏咸好啱送酒✨刺身五点盛：当晚既时令刺身有甜虾、珊瑚蚌etc. 超级新鲜，啖啖肉！！！✨十户特选寿司八贯：寿司上面嘅刺身一样系好新鲜，今次上面加咗不同嘅seasonings，同刺身好夹。我觉得每款寿司都好味。✨鸡腿肉大葱：个人来讲觉得呢个普通~✨鸡皮：好脆口！！落左少少盐调味，好好食。✨茶渍明太子饭团：煎香过嘅饭团浸喺茶入面，上面放有满满嘅明太子。好好食！！✨烧免治鸡肉棒(付鸡蛋)：鸡肉棒烧得好出色，配埋鸡蛋一齐食真系好好味。今次呢篇食评好难打因为我真系系咁谂到好好味呢几只字😂😂😂 唔知自己讲紧乜嘢咁，但我系好真心咁推介俾大家，真系好好味😂😂😂 (P.S. 环境都好舒服，望吓最后𠮶两张相😍)