影片
更多
2017-11-10
162 浏览
同两个friend 行过胜利道， 发现左间缅甸餐厅，我未食过缅甸菜， 所以建议试新野。铺头比较窄，我地推门入去， 一个人行入去，已经行唔入， 因为有一个客人企左系度order外卖，顶住左。小店内只有几张枱，约有十几个座位，枱面放左柠檬汁、辣椒粉、鱼露，作调味用。见到墙上面d媒体介绍， 佢地d 鲜鱼浓汤头用鲜鱼和鸡肉，再加入黄姜粉、豌豆粉、芭蕉叶等来熬制，绝不加入味精。所以我 order 左个Mohinga鲜鱼浓汤米线，米线无餐饮跟，私另外order左冻缅甸奶茶。佢地一个叫左曼德勒红烧腩肉配饭，曼德勒鲜茄滋味捞面 ，同埋缅甸珍多冰。个招牌鲜鱼浓汤米线，鱼汤系奶黄色， 鱼味无我预期咁浓， 碗入面有炸蒜、芫茜、半只蛋、豆饼、鱼片同埋豆卜，米线都算爽口，不过可能汤料太多, 搅到成碗野好杰, ，建议加番d柠檬汁，食完唔会咁腻。至于杯冻缅甸奶茶，好淡口下， 可能系我饮惯港式奶茶嘅关系。我个friend 嘅曼德勒红烧腩肉跟饭，佢又好钟意，腩肉酱汁浓，有啲咸, 配饭吃刚刚好。杯缅甸珍多冰，系蜜瓜味，有两色爆珠， 不过要记得要order 少甜，因为真系比较甜左啲。最后果碗曼德勒鲜茄滋味捞面， 幼面面质类
铺头比较窄，我地推门入去， 一个人行入去，已经行唔入， 因为有一个客人企左系度order外卖，顶住左。
小店内只有几张枱，约有十几个座位，枱面放左柠檬汁、辣椒粉、鱼露，作调味用。
见到墙上面d媒体介绍， 佢地d 鲜鱼浓汤头用鲜鱼和鸡肉，再加入黄姜粉、豌豆粉、芭蕉叶等来熬制，绝不加入味精。所以我 order 左个Mohinga鲜鱼浓汤米线，米线无餐饮跟，私另外order左冻缅甸奶茶。佢地一个叫左曼德勒红烧腩肉配饭，曼德勒鲜茄滋味捞面 ，同埋缅甸珍多冰。
个招牌鲜鱼浓汤米线，鱼汤系奶黄色， 鱼味无我预期咁浓， 碗入面有炸蒜、芫茜、半只蛋、豆饼、鱼片同埋豆卜，米线都算爽口，不过可能汤料太多, 搅到成碗野好杰, ，建议加番d柠檬汁，食完唔会咁腻。至于杯冻缅甸奶茶，好淡口下， 可能系我饮惯港式奶茶嘅关系。
我个friend 嘅曼德勒红烧腩肉跟饭，佢又好钟意，腩肉酱汁浓，有啲咸, 配饭吃刚刚好。
杯缅甸珍多冰，系蜜瓜味，有两色爆珠， 不过要记得要order 少甜，因为真系比较甜左啲。
最后果碗曼德勒鲜茄滋味捞面， 幼面面质类似虾子面，几好味，幼面上面放左芫茜、番茄、肉碎、炸蒜, 煮到熟烂嘅番茄唔够酸， 反而觉得太甜。
老实讲，可能正宗缅甸料理特色系咁甜咁咸，不过可以考虑减油盐糖，稍为调节迎合香港人口味。
张贴
