尋味

营业中

休息中

今日同朋友嚟到呢一间大围田心村非常有人情味嘅餐厅，叫做寻味。我同朋友不嬲都系川味菜嘅爱好者。我哋一嚟就点咗一道酸菜烤清江鱼。呢一味酸菜鱼做到外脆内软，鱼肉滑嫩。酸菜嘅酸味渗透入鱼肉，凸显出鱼肉嘅鲜味。而且仲要大大份、啖啖肉，性价比十分之高。本身酸菜鱼已经非常丰富，但我哋都加咗鸭血作为助料。呢碟鸭血入口即化吸收晒汤底，精华丰富咗呢碟酸菜鱼嘅层次，而且发现加埋乌冬都好好味，弹牙。我同朋友每人都嗌咗一杯嘢饮。我自己嗌咗蜜桃益力多。蜜桃嘅甜味加埋益力多嘅酸味，饮落口甜而不腻。而我朋友嗌咗杯红石榴柠檬茶。无论系石榴定系柠檬茶都系酸中带甜，加上茶底嘅微微甘苦，真系十分开胃！