微酵烘焙 (世貿中心) (已結業)

经过世贸见到有间面包店Share le Pain，除左面包，仲有share tea 饮品，行到攰攰地坐低饮野休息下。台茶18号红玉 $35，要左微糖，茶太甜会好怪，呢个刚刚好，见到有个茶包系里面。朋友叫左珍珠鲜奶茶 $36，都系微糖，珍珠有甜味，甜度刚好。我同朋友都喜欢吃面包，我地加埋晒买左5款。即场食左个招牌三文治 $22，呢个有d 似台湾个个三文治，里面有日式甜牛油、火腿、鸡蛋同特制酱，个面包好软绵绵，不错。朱古力脏脏包 $39，超巨型的脏脏包，之前我系台湾食过，细细个都要20几蚊港币，呢个size $39 确实唔贵，而且台湾个个都唔系真系好好味，个朱古力味好假，反而呢个朱古力味好浓，用左70%比利时松露朱古力，难怪咁好味。蒜香烟肉软包 $28，有香蒜酱、烟肉、芝士粉同香芹碎，包多了几层口感和味道，好香口。芝士金砖 $19，长型的面包上有芝士酱，面包柔软，但朋友就觉得味道一般。酥烤罗宋 $24，第一次见罗宋面包也是在台湾的面包店，这间店实在好台式，让人怀念的味道。鸡蛋、牛油、牛奶同奶油。最普通的材料，做出最不花巧，简单的滋味。