影片
更多
2022-08-15
431 浏览
叙福楼集团除咗好出名嘅牛角、牛涮锅，前排开咗新系列喺旺角，主打台式火锅！店内播住台湾歌嘅纯音乐～另外一入到去就留意到一部自动机械人，运轮用过嘅碟返厨房，都几得意！边炉有4个set可以拣，越贵就食到越多款式，除咗系肉嘅款式同种类，仲有啲特别少少嘅锅物，而level 3同level 4仲会有海鲜𠻹~ 我哋两次都拣咗level 3～ 晚餐时段系可以食120分钟㗎，比牛涮锅耐啲～•🥢 汤底有啲较台式嘅选择：麻辣鸭血药膳锅同酸菜白肉锅～ 不过之后加汤就得鸡汤可以拣，同埋要自己喺自助区拎汤加🙈📸 好呷麻辣鸭血药膳锅 - 呢个锅无想像中咁辣，唔食得好辣都挑战到😌 锅入面有好多香料/药材籽，要留意住加汤，唔系好易㶶，鸭血正常，仲可以refill几好～另外呢个汤底附人参沾酱嘅人参味好浓！📸 好呷酸菜白肉锅 - 个汤底好够酸，入面除咗有腩肉片同酸茶，仲有好弹牙嘅粗粉丝/薯粉😋 估唔到呢个汤煮耐咗都keep到酸味，渌菜/蜂巢豆腐超正👍🏼📸 香浓沙茶猪筒骨锅 - 真系好浓郁好够味，仲有啲花生粒，渌完嘅嘢食基本上都唔使点酱🤣•🥢 锅物 锅物可以scan QR code落单/去自助区拎，QR code落单嘅其实都
店内播住台湾歌嘅纯音乐～另外一入到去就留意到一部自动机械人，运轮用过嘅碟返厨房，都几得意！
边炉有4个set可以拣，越贵就食到越多款式，除咗系肉嘅款式同种类，仲有啲特别少少嘅锅物，而level 3同level 4仲会有海鲜𠻹~ 我哋两次都拣咗level 3～ 晚餐时段系可以食120分钟㗎，比牛涮锅耐啲～
•
🥢 汤底
有啲较台式嘅选择：麻辣鸭血药膳锅同酸菜白肉锅～ 不过之后加汤就得鸡汤可以拣，同埋要自己喺自助区拎汤加🙈
📸 好呷麻辣鸭血药膳锅 - 呢个锅无想像中咁辣，唔食得好辣都挑战到😌 锅入面有好多香料/药材籽，要留意住加汤，唔系好易㶶，鸭血正常，仲可以refill几好～
另外呢个汤底附人参沾酱嘅人参味好浓！
📸 好呷酸菜白肉锅 - 个汤底好够酸，入面除咗有腩肉片同酸茶，仲有好弹牙嘅粗粉丝/薯粉😋 估唔到呢个汤煮耐咗都keep到酸味，渌菜/蜂巢豆腐超正👍🏼
📸 香浓沙茶猪筒骨锅 - 真系好浓郁好够味，仲有啲花生粒，渌完嘅嘢食基本上都唔使点酱🤣
•
🥢 锅物
锅物可以scan QR code落单/去自助区拎，QR code落单嘅其实都系跟据拣𠮶个餐而有唔同嘅食材，即系肉类、少量丸同海鲜，出去拎就多数系蔬菜同丸类～
📸 牛肉 - 全部都切到薄到透光，渌完好易唔见咗，食落无乜口感🥺 几款牛入面稍为好食啲嘅就系牛小排，牛味浓啲～
📸 猪&羊- 呢两款就正常得多，起码有返啲厚度/大块啲，不过其中有一碟会肥啲，质素可能有啲参差~
📸 樱花虾墨鱼滑 - 好弹牙，仲有好香樱花虾味，有惊喜！😍
📸 花胶 - 好爽口，同酸菜汤都几夹😛
📸 墨鱼仔 - 弹牙嘅，但无乜味，唔太啱打边炉～
•
🥢 台湾小食
另一个好有台湾特色嘅位就系有几多唔同款式嘅台湾熟食小食🤩 整体熟食几出色！
📸 炸物(盐酥鸡、炸豆腐、炸花枝丸、芋泥地瓜球…) - 大部分都系椒盐味，keep到脆脆地，但无keep到好热😢 芋泥地瓜球真系同台湾夜市食到嘅一样，可惜佢会好顶肚，所以只系食咗一粒🫢
📸 台湾肠 - 有一直用机碌住，几好食～
📸 盐水鸡 - 可以自己加酱同配料，鸡肉几滑
📸 麻辣小食 - 几惹味🤤
📸 麻香辣味爆米花 - 系麻辣锅味爆谷，好新奇
📸 卤味 - 普普通通
•
🥢 饮品
除咗放题店见到嘅罐装/纸包饮品，呢到仲有手摇饮品、冷泡茶同埋热饮～ 但原来唔系每日都有齐4款嘅手摇饮品，本身想试黑糖珍珠奶茶/爱玉冬瓜茶，但𠮶日都无🥲
📸 白桃乌龙 - 淡淡嘅白桃香，乌龙茶味比较出，好解腻👍🏼
📸 台湾苹果西打- 台湾嘅回忆～ 细细罐，加咗啲落乌龙到都几正🤪
📸 芋香珍珠奶茶- 芋香奶茶唔会太甜，几啱解辣饮！但珍珠有啲硬，饮完都会饱饱地🙈
📸 茉香绿茶 - 甘苦味比较出，唔太有茉香，比较一般😬
•
🥢 甜品 - 好呷综合红豆汤
餐牌上其实只有一款甜品，身为甜品控嘅我梗系几饱都叫嚟试吓😛 点知就中咗大伏🚁🚁🚁😭 其实佢嘅配料好丰富，有蜜红豆、紫薯圆、地瓜圆、芋泥同仙草～蜜红豆都够腍同甜嘅，但啲圆就太腍，无乜咬口，芋泥有啲死甜同无芋头味，而最❗️伏❗️嘅就系个仙草🤮 质地系比台湾仙草硬身少少，但系苦㗎‼️ 好似龟苓膏咁🤢 同其他配料完全唔夹🥴
好呷综合红豆汤
8 浏览
0 赞好
0 留言
另外拣level 3 / 4嘅餐系会每人有一盒movenpick雪糕～🍨
张贴
