鐵花村 (愛群商業中心)

营业中

休息中

朋友话之前去过一间小店充满台湾感觉, 所以今日放假就去 ❥⧽铁花村 ❥⧽试吓。餐厅墙上挂满台东景点介绍, 天花亦挂咗好多天灯, 再加上店员来自台东, 同我地倾台湾嘅人事物, 真系令人有一种去咗台湾嘅感觉。𓊈玉米起司蛋饼𓊉呢个系真正嘅台湾蛋饼, 外皮烟靭, 唔会好干, 蛋炒得好软滑, 配埋溶咗嘅芝士, 真系好好食, 大力推荐!𓊈酥炸排骨面𓊉平时比较怕食太油腻嘅酥炸排骨, 不过呢度嘅酥炸排骨完全无油腻感, 而且好酥脆, 肉质好软腍。汤面同喺台湾食嘅真系无分别, 有卤蛋, 萝卜, 芽菜, 面质亦好弹牙。𓊈蒜味台湾香肠𓊉台湾香肠一定一定要配蒜片, 蒜片绝对可以带出香肠嘅味道, 虽然食完之后个口会有味道🫣𓊈炸花枝丸𓊉花枝丸炸得好香脆, 里面真系有花枝 der! 𓊈芋香奶茶 ✧ 仙草奶茶𓊉呢度嘅饮品同其他台式店真系好唔同, 正常甜度系真系正常㗎, 店员话台东口味比较健康, 唔会落太甜, 所以我觉得好好饮呀!✧✧ 全部食物饮品都好好, 店员好 nice, 系好值得去嘅一间餐厅。