去滾

营业中

休息中

好耐冇同过屋企人食晏，今日约咗佢去铜锣湾嘅去滚～～～一入到嚟满满嘅香港情怀，霓虹灯招牌、壁画画上着旗袍嘅女性、鸟笼等等，好有旧时香港嘅气氛，好适合打卡📸～～～睇吓餐牌，原来呢度晚市做火锅，午市做套餐🍴每份汤面或饭套餐都配有四款凉拌小菜，今次店家提供莴笋片、海带、木耳同西瓜小片，睇得出系店家精心挑选用作夏日小菜☀️～～～莴笋片好爽口，好开胃；海带加咗蒜蓉同白芝麻，好适合夏天清热气；木耳加咗少少辣油，好惹味；西瓜虽然细块，但好清甜～～～⭐️牛魔王浓汤面集牛嘅各大部位于一面，有牛肚、牛筋、牛腱、牛坑腩，啱晒啲有选择困难症嘅人～～～牛肚够软，牛筋略带弹牙，牛腱嫩滑唔韧，而且比较厚身，好有口感～～～呢度嘅粗面相对嚟讲，煮得比较腍，但能充分吸收到汤嘅香味～～～⭐️红烧牛崩砂腩浓汤面拣咗幼面，面条好滑，好吸收到汤底嘅味道～～～牛坑腩虽然相对牛腩脂肪较少，但唔会太靭，而且有好浓郁嘅牛味～～～呢度牛嘅份量好多，食完真系好饱🫠～～～温馨提示：唔钟意加芫荽嘅朋友，记得落单前同店员讲声❗️唔好好似我咁，要慢慢挑走啲芫荽🌿🥲