呦呦鹿鳴布丁燒

营业中

休息中

平日去葵广揾野食真系眼花撩乱，今日心思思想食甜点所以去左葵广3楼top世界间自家制布丁烧，睇下佢有咩口味先。其实前前后后都食过三四次，因为有时佢新鲜出炉热辣辣其实真系食落暖笠笠，不过要小心嘅系因为布丁杯底部系满满焦糖，倒落碟嘅时候要小心唔好弹到四围都系呀。今次买左两款口味 - 云呢嗱同回魂味，即系咖啡呀，因为拎走嘅关系所以叫左冻食留待下午茶慢慢叹。店家好用心用上唔同烫印，之前见过鹿仔印，halloween 印，估唔丁今次系圣诞节印呀！布丁俩都震腾腾，倒出黎都格外小心，一倒落焦糖水就冲出黎，上面布丁下面芝士蛋糕底都淋满焦糖，真系心心眼呀！冻食都食倒满满云呢嗱同咖啡味，布丁幼滑面芝士蛋糕又系另一个口感，如果系热食仲可以闻到店家新鲜出炉嘅蛋糕香味。不过新鲜出炉就要碰运气先食倒喜欢嘅味道喇。