幸福班戟 (新城市廣場) (已結業)

星期日难得早起身，食返个丰富既brunch好好享受一下，突然间好想食日本既班戟呀，见幸福班戟唔使排队又少人，可以坐得舒舒服服。由于一大早未食野，所以拣咗咸班戟，下次先试佢地既甜班㦸啦。我地叫咗全麦班戟配芝士蘑菇奄列$98同三文鱼牛油果芝士慕丝班㦸$108所有班戟都系即叫即整，保证热烘烘同新鲜。所以等候都要预返15分钟左右啦。卖相好精致，急不及待要即刻食。咸班㦸系加左麦去整，食得出有麦味，味道唔错呀，几特别。奄列里面既芝士仲系溶丝既状况，仲有大量既蘑菇非常满意。班㦸既质感唔算属空气感，但口感都系软绵带少少实净。所以食完之后带点饱肚感，另外沙律菜份量多而且新鲜爽口加埋个沙律酱亦清新唔会油腻，很好既配搭。