貓啡

营业中

休息中

我同朋友都好钟意猫，今日终于去猫cafe见识下，可以一边玩唔同的猫，又可以比佢地陪住食野，真系好幸福呀。猫猫好友善又好活泼，每只都唔同既性格，见到佢地，烦恼都消失晒。蜜蜂烤鸡翼甜甜地鸡皮脆卜卜，肉汁好多，鸡肉又嫩滑。鸡翼系无得输架。忌廉蟹肉饼蟹肉打到好cream. 淡淡蟹味，外皮脆卜卜好松化，唔会好漏。招牌蒜香蟹肉明太子阔条面果然系招牌菜式，好多蟹肉喺入面，汁好浓好creamy.好鲜味。碟上面仲好有心思整左两个猫脚印。生椰抹茶Latte香香椰子咪，香滑又唔会好甜。白桃苹果梳打啖啖嘅白桃味，解渴又唔会太甜。旺角有好多宠物cafe.,但呢间餐厅大部份都系收养回来的流浪猫，餐厅会帮助流浪猫，支持领养代替购买，有意领养可直接向餐厅查询。另外于餐厅消费，餐厅每月都会捐钱比慈善机构，帮助更多流浪动物。你当然可以过来出返一分力啦。