新記芝士麵 (已結業)

今日同男朋友食午餐，话就话午餐，但成四点半先食🤣。本身男朋友话食华星，不过要等一阵先有位，所以就行过隔篱食新记。而加好多茶餐厅都系用胶杯装冻饮，而佢地就用不锈钢杯，令野饮饮落特别冻。男朋友嗌左个特餐-豉油汁烟鸭胸肠仔太阳蛋饭。我试左一旧烟鸭胸，有少少咸得济，可能系本身已经够味再加埋豉油就多左😵。我就嗌左个芝士面配鸡翼太阳蛋。对上一次食茶记既芝士面已经好几年前，个次食既系白色个种芝士汁。所以呢碗面一黎到个阵我都吓左一吓🤣，一黎系我无见过黄色既芝士捞面，二黎系因为佢既芝士份量真系好多呀！多到足够每一啖都有满满既芝士汁😋！因为佢份量都唔少，加埋芝士会腻，所以食完真系大满足🤣。