漁道樂 (已結業)

今日系万圣节，夜晚同男朋友拣左食日本菜。餐厅门口已经好有日本特色，入面更系充满日本味道，装潢方面落左唔少心机，令人彷如置身系日本。五点刺身有三文鱼、吞拿鱼、油甘鱼、甜虾、鱿鱼，鱿鱼上有几粒三文鱼籽。刺身几肥美，无雪味，味道唔错。海胆蟹肉反卷有六件，海胆鲜甜，除左蟹肉，仲包左青瓜丝，青瓜味好出。清酒煮蚬有十粒，蚬大大粒，但偏咸。什锦天妇罗有虾、茄子、冬菇、南瓜、番薯同应该系面条，炸得几好，唔太油腻。唐扬鸡炸得过熟，鸡肉比较鞋口而且调味偏咸。我地仲饮左柚子啤酒($68)同白桃烧酎($60)。前者啤酒味出啲，后者白桃味出啲。