大山日本料理

营业中

休息中

今日约左旧同事聚旧，佢约我嚟呢间大山日本料理。一入到嚟环境成个日本居酒屋咁，好有feel!火炙薄烧A5和牛寿司，朋友点比我食，和牛大过成只手掌，真系夸张又吸睛，食落满满油脂同和牛肉香，嫩嫩好味！蜂蜜芥末炸鸡蜂蜜芥末唔会太辣调味啱啱好，特别开胃，炸鸡够晒脆，入面嘅鸡肉又够嫩。牛肉寿喜锅：同事好钟意食寿喜烧，呢到嘅汤底唔太浓或者太甜。牛肉片份量都唔少，配料有菜，鸡蛋，腐同粉条，吸引汤汁好滋味!鳗鱼炒饭个饭炒到够晒香， 粒粒饭粒，鳗鱼粒够足料，落足本，加埋惹味鳗鱼汁，好食。炸鸡软骨我真系好钟意食鸡软骨，细细粒又有咬口，外皮炸得够香，正！明太子鸡翼鸡翼入面嘅馅料系满满嘅明太子，鸡翼够嫩，明太子嘅香味令鸡翼味道更加丰富。大阪烧大阪烧底部煎得够香脆，上面嘅酱汁永远都系咁令人钟意，加埋木鱼丝，完美组合。