芭堤雅泰國餐館

营业中

休息中

最近试咗间泰国菜，有几道菜真系几有惊喜。——————🐽 松脆炸五花腩肥瘦层次分明，外皮炸到金黄卜卜脆，咬落去有「咔啦」声，油香渗出嚟但唔会腻口，蘸少少酸辣酱更加醒胃，系送啤酒一流嘅小食🐽 飞天炒通菜够镬气菜茎保持爽脆，菜叶挂满虾酱咸香，仲有少少辣椒碎吊味，唔会咸到抢喉。唯一挑剔系份量细咗啲，两个人夹几筷就清碟🐽 干炒泰式河粉河粉炒得干身唔油，蛋丝同豆腐干碎捞埋花生碎，甜酸味平衡得几好。虾肉爽口，但嫌佢得两只唔够喉🐽 泰式华田香蕉煎饼热辣辣嘅手抓饼皮薄脆，夹住半融香蕉同炼奶，面头洒满阿华田粉，甜味浓得嚟有麦香。配一球椰子雪糕，冰火交融几过瘾，不过雪糕椰奶味可以再重手啲