勁回味

营业中

休息中

好多人都系FACEBOOK SHARE呢间尖东小店的劲澎湃海胆手卷，搞到我心思思终于揾左日去尖东尝鲜。一去到都几多人，而且舖位细，客人都要慢慢等落ORDER。呢间野店面细细，但款式非常之多，价钱由$10至$6、70都有。我黎到当然要食必食既马粪海胆手卷(大)$45，传闻有成半板海胆架~~原本佢仲有加拿大海胆的选择，不过唔知有咩分别。现场好多人都系叫左马粪海胆手卷，店员会问埋要唔要WASABI加埋落手卷。寿司鼓油就有个樽仔自己落。马粪海胆手卷到手一刻，真系见到满满的海胆，但觉得无传闻中成半板海胆咁多，但都有三分一。而且海胆好鲜甜唔会有臭味，而且口感唔会淋晒身。以性价比黎讲都算正。