渝味曉宇重慶老火鍋 (渣甸中心) (已結業)

因为疫情关系，我都好耐无出街食饭....日日都想麻辣火锅，屋企又食唔到。今日终于忍唔住要去食。今日嚟呢间渝味晓宇绝对系有原来，因为锅底系用牛油做所以特别香，辣椒同花椒嘅味道溶化晒喺牛油入面，比平时食嘅汤底更加浓厚入到去咩都未叫，个楼面姐姐攞咗碗红枣雪耳糖水过嚟，原来碗糖水系用嚟保护个胃，怕一阵食得太辣会伤胃。所以打之前最好饮咗去先。(老板好细心)爽口鸭血鸭血做得好滑同好爽，夹埋个牛油麻辣汤一齐食，味道一流。冰镇鲍鱼鲍鱼已经系成半熟状态，所以肉同壳已经分开咗，食嘅时候就方便好多，唔洗落手去拆肉。疫情下食得更加安心。黑豚腩肉一层层又香又爽嘅脂肪，再夹一层层嘅豚肉，食落有唔同嘅层次，食落好满足安格斯肥牛每一块都起晒雪花咁，脂肪同肉嘅嘅比例啱啱好，成落完全无渣，加埋麻辣嘅作用，味道仲正。呢个汤底真系唔只系香咁简单，食到尾嘅时候个嘴都食到红晒，系够辣嘅!食辣得嘅朋友值得一试!