Bamboo Thai (屯門市廣場1期)

营业中

休息中

Bamboo Thai嘅店内装修主要系竹同木为主，加埋泰国风嘅图腾，好有泰国特色～ 餐牌入面选择都几多，今次食嘅几样都几满意～•🥢 青木瓜虾沙律 $68呢个沙律好足料，除咗青木瓜之外，花生、虾同虾米都好多，比平时食嘅青木瓜沙律冇咁辣，都几开胃～•🥢 火山排骨(小) $118上菜嘅时候，侍应会比埋手套同装骨嘅碟～ 虽然叫咗「小」，但份量都唔细！有大约5旧排骨，每旧都有唔少肉，有啲位仲有软骨，肉质几嫩，唔嚡，而且都几入味，系酸辣汁加鱼露同好浓嘅香料味，上枱嘅时候热辣辣，几正！•🥢 泰式大虾炒金边粉 $112有好多配料，有虾、豆腐干、蛋同葱，而炸蒜、干辣椒同芽菜就可以自己捞入去，金边粉炒得好干身，食落就争咗少少泰式嘅酸味，但整体都几好嘅～•🥢 泰式烧猪颈肉 $88份量唔多，大约8片左右，调味刚好，点埋隔离嘅酱汁都唔会太浓味，肉质几爽口。