嵐橋丼飯專門店 (已結業)

见喺香港好难用百令蚊既价钱食到咁多既海胆丼饭，除左普通去大型超级市场买既一pack海胆。趁Lunch 时段，叫左个海胆甘虾丼。呢个lunch set有前菜，面豉汤，沙律，餐饮。海胆方面，用加拿大海胆，食落都冇苦味，都算甜，但就冇creamy既感觉 ，不过不失。但以份量黎计，系抵食反而钟意个饭底，一早用酱汁、芝麻、紫菜拌好，完全冇豉油出场既机会，呢个值得一赞！通常其他丼饭餐厅只系可以豉油拌饭，味道好寡。然后亦叫左个岚桥丼，入面有中拖罗、三文鱼、深海池鱼、白身鱼、牡丹虾、三文鱼籽、松叶蟹钳。味道方面，牡丹虾几鲜甜，中拖罗都好新鲜，色泽分明，最紧要系冇筋，从冇筋已经睇得出系d高品质拖罗！最后仲有杯餐饮，大满足。