丼瀛 (已搬遷) 新店位置

系官塘做完嘢又唔会系apm食饭，因为来来去去都系连锁店，我同朋友就去左apm附近工厦食日本菜，呢间仲要系黄店当然要惩罚下。蕃茄豆腐沙律蕃茄鲜甜，豆腐嫩滑，沙律菜新鲜，淋上胡麻酱酸酸甜甜好开胃。时令鱼甜虾海胆卷$78一片鱼包住甜虾再放海胆，呢个组合好特别，甜虾大只鲜甜，海胆入口即溶。海之幸丼 $178好多枱都有叫丼饭，我地呢个有三文鱼，赤身，吞拿鱼，蟹肉，三文鱼籽同牡丹虾，好大堆头，样样都好新鲜，厚切咬咬肉，蟹肉同牡丹虾都鲜甜。吞拿鱼腩海胆卷 $78 4件吞拿鱼腩嫩软富油香，海胆鲜甜，加上青瓜丝有咬口，一啖咬哂好有口感，可能煮饭落多左少少水，有d湿。